Joan den ostiralean, otsailak 13, 2-3 urteko geletako txikiek Agoizko inauterien mundura hurbiltzeko aukera izan zuten kamishibai formatuko ipuin eder baten bidez. Narrazio bisual honen bidez, gure herriko pertsonaiak, soinuak eta ohiturak ezagutzeko aukera izan zuten.
Gehien espero zen uneetako bat Joaldunen janzkera hurbiletik ezagutzea izan zen. Joaldunek Nafarroako landa-inauterietako pertsonaia tradizionalak dira, Ituren eta Zubieta bezalako herriei bereziki lotuak. Janzkera osatzen duten zenbait osagarri ikusi eta ukitu ahal izan genituen: zintzarriak, zapia, txanoa eta zaldi-buztaneko isopoen ondoan daramaten ardi-artilea. Zintzarrien soinu gogorra eta berezia ere entzun genuen, taldearen jakin-mina eta harridura piztu zituena.
Ospakizuna osatzeko, hamaiketako tradizional bat antolatu genuen: txistorra tortila. Tradizioa agintzen duen bezala, inauterietako larunbatero Agoizko bizilagunak puskabiltzara hurbiltzen dira arrautzak eta txistorra ematera, eta horrela asteartean Zirikio eta Kapusai panpinak erretzearekin batera tortila goxoak dastatu ahal izaten dituzte. Inauterietako jarduera elkarbizitzarako unea izan zen, eta elkarrekin jaten eta gure tradizioak ospatzen gozatu genuen.
Honen moduko jarduerekin, Agoizko Aranea Haur Eskolan gure txikiak Agoizko kulturara eta tradizioetara hurbiltzearen aldeko apustua egiten jarraitzen dugu, bizipen, parte-hartze eta adinera egokitutak..
