Agoizko Haurren Prebentziorako Sarean eta Aranea Haur Eskolako hezkuntza taldearen barruan eztabaida sakon eta partekatu baten ondoren, pantailarik gabeko eskola bihurtzeko neurria hartu dugu.
Ekimen honen bidez, haurren garapen integralean funtsezko elementuak diren zuzeneko komunikazioa, erabateko arreta eta giza interakzioa bultzatuko dituen hezkuntza ingurunea sustatu nahi dugu. Gailu digitalen interferentziarik gabe jolas eta bizikidetza espazioak berreskuratzea haur bakoitzaren beharretara egokitutako kalitatezko hezkuntzarekin dugun konpromisoaren parte da.
Hemen atxikitzen dizkizuegu gure berria argitaratu duten Diario de Noticias eta Diario de Navarra egunkariak.
